Oktyabrın 7-də Azərbaycan Respublikasının Dövlət Ehtiyatları Agentliyinin (ADEA) yaranmasının 3 illiyi ilə əlaqədar tədbir keçirilib.
Tədbiri giriş sözü ilə açan Agentliyin İdarə Heyətinin sədri cənab Səbuhi Sadıqov bildirib ki, 3 il ərzində strateji əhəmiyyətli mallar üzrə daha effektiv təchizat zəncirinin formalaşdırılması, bu sahədə qabaqcıl tənzimləmə və idarəetmə təcrübəsinin tətbiqi, daxili bazarın qısamüddətli mənfi təsirlərə davamlılığının artırılması istiqamətində Agentlik tərəfindən zəruri addımlar atılıb.S.Sadıqov xüsusi olaraq Agentliyin dövlət ehtiyatlarının yaradılması üzrə siyasətin hazırlanması və icra edilməsində iştirak etdiyini vurğulayaraq gələcək hədəflərdən söz açıb. Daha sonra Agentliyin 3 illik fəaliyyətini əks etdirən video-çarx nümayiş olunub.
Sonda Agentliyin yarandığı ilk gündən fəaliyyət göstərən əməkdaşların mükafatlandırma mərasimi keçirilib, kollektivlə xatirə şəkli çəkilib.